CAN vel CHAM

CAN vel CHAM

titulus est, quô Tartari Principes suos indigitant, h. e. Imperator vel Rex.

Vincentius Belvas. l. 31. c. 10. Quem etiam Can. i. e. Imperatorem appellabant. Et c. 32 Qui et Gog. Cham, i. e. Imperator vel Rex dicitur, sublimatus est in Regno Tartavorum. Caanus dicitur in Epist. Quodblexi, Tartarorum Imperatoris apud Odoricum Rainaldum in Annal. Eccl A. C. 1278. num. 20. Chanis vel. Hams, inquit Leunclavius in Pandecte Turc. num. 3.

adspiratione forti, appellatio perquam usitata Persis et Tartaris est, apud quos etiam Reges et Principes minorum gentium Chanes dicuntur; Atque inde ftlii Principum Chanoglani vocantur. Canis quoque idem, de qua voca infra. Quae omnia orta sunt ex voce Caganus vel Cacanus, quâ Avarum seu Hunnorum Reges olim dici soliros supra ostendimus, quamque eandem esle vel hinc patet, quod A. varum seu Chazarorum patria Chersonesus Taurica est, quae hodieque suos habet Chaanes. Maximus vero omnium Tartatorum Chan, cui subiecti sunt Chanes coeteri, Chitainus quoque appellari consuevit. Sed et Turcici Sultani, post osmanem Gasim se Chanes dici voluerunt, idque retinent in hodiernum usque diem. Car. da Fresne in voce Caganus.